14 de marzo

Previamente á viaxe do día 25 de marzo o arqueólogo e museólogo Felipe Senén López deu unha disertación sobre “O monacato en Galicia e a humanización dos ribeiros”. A erudición do conferenciante fai que chame a unha gran cantidade de público e que ao mesmo tempo tamén concite algunhas diverxencias sobre o que di, pero ambas as dúas peculiaridades fan que o auditorio o siga con especial atención.

Na seu interese por divulgar o concepto de Galicia como país, comezou facendo alusión ao centenario que se celebra este ano da fundación do Seminario de Estudos Galegos, para despois incidir varias veces no concepto de realismo máxico aplicado á historia deste país, fixándose na teorización de dous dos fundadores, Florentino López Cuevillas e Vicente Risco, que se miraba en Irlanda, ambos membros tamén da Xeración Nós, e das Irmandades da Fala, unha xeración de aristócratas ilustrados vinculados co europeismo.

Día 25 de marzo, sábado

Viaxe ás Terras do Carballiño con Felipe Senén.

Día 14 de marzo, martes

ás 20 horas

Salón de actos da Deputación Provincial

Conferencia de Felipe Senén López sobre “O monacato en Galicia e a humanización dos ribeiros”.

De 19, 30 a 20 horas

Anotacións para a viaxe do día 25 ás Terras do Carballiño que inclúe o mosteiro de Oseira.

Día 14 de marzo, martes

De 19, 30 a 20 horas

Anotacións para a viaxe do día 25 ás Terras do Carballiño que inclúe o mosteiro de Oseira.

Día 25 de febreiro, sábado

Viaxe a Vilanova de Lourenzá.

Saída ás 9 horas

14 de febreiro

O doutor en Historia Contemporánea e profesor da Universidade da Coruña, na que é director da Cátedra de Memoria Histórica, falou sobre Francisco Fernández del Riego, persoeiro ao que este ano se lle dedica o Día das Letras Galegas, facendo na súa disertación unha aproximación a unha figura notable da nosa historia en clave republicana e nacionalista.

Naceu Francisco Fernández del Riego en Vilanova de Lourenzá (Lugo) o 7 de xaneiro de 1913, nunha familia numerosa de clase media, seu pai estivera emigrado en Cuba e tiña unha tenda de tecidos. Fixo os primeiros estudos na súa vila natal pasando en 1927 a facer o bacharelato ao Colexio dos Escolapios de Monforte, onde xa publica os primeiros artigos sendo na súa traxectoria un escritor prolífico.

Anque quería estudiar Filosofía e Letras, en 1929 pasou a estudiar Dereito na Universidade Central de Madrid na época da chamada ditablanda do xeneral Dámaso Berenguer, onde coñece a varios compañeiros cos que desenvolverá a dinámica política en Galicia. Frecuenta a biblioteca do Ateneo e lee varias das obras de Vicente Risco, especialmente El problema político de Galicia e a Teoría del nacionalismo gallego, que foi divulgado no xornal A Nosa Terra.

Día 14 de febreiro, martes

ás 20 horas

Salón de actos da Deputación Provincial

Conferencia de Uxío Breogán Diéguez Cequiel sobre "Francisco Fernández del Riego. Vida e compromiso dun galeguista (1913-2010)" persoeiro do Día das Letras Galegas

Día 14 de febreiro, martes

ás 20 horas

Salón de actos da Deputación Provincial

De 19, 30 a 20 horas

Anotacións para a viaxe do día 25 de xaneiro a Vilanova de Lourenzá

28 de xaneiro

Esta viaxe foi complemento da conferencia impartida o día 24 por Carmen Salinero Corral, directora do Centro Fitopatolóxico de Areeiro dependente da Deputación Provincial de Pontevedra creado en 1981 coa finalidade de prestar asesoramento aos labregos no relativo ás pragas e enfermidades que afectan a determinados árbores e cultivos, así como a análise de solos para facer as correccións axeitadas a cada cultivo. A este asesoramento engadíronse as seccións de cultivos froiteiros, ornamentais e laboratorio de loia biolóxica.

A visita, que comezou ás 10,30 horas e estivo centrada exclusivamente nas camelias, iniciouse tomando un té verde producido na finca a partir da Camellia sinensis, explicando a directora a forma de facelo, como o tempo que debe ter a folla, no máis dun ano, temperatura á que debe estar a auga, 70 º, desbotar o primeiro té, e tomar os seguintes, ata cinco, sendo os últimos os mellores. Tamén comprobamos o efecto sobre a pel do aceite que se obtén da camelia.

Día 28 de xaneiro, sábado

Viaxe das camelias á provincia de Pontevedra

8.00 horas

Saída de Lugo

De 10.00 a 13,00 horas

Visita á Finca Areeiro (Estación Fitopatolóxica Areeiro). Té de tarde

14 horas

Xantar en Pontevedra

16 horas

Visita aos xardíns do Pazo de Quinteiro da Cruz (Ribadumia)

19 horas

Regreso a Lugo

21 horas

Chegada a Lugo